قرآن - 26:146 سورہ الشعراء ترجمہ، نقل اور تفسیر (تفسیر).

أَتُتۡرَكُونَ فِي مَا هَٰهُنَآ ءَامِنِينَ

ترجمہ: کنزالایمان - اَتُتْرَكُوْنَ فِیْ مَا هٰهُنَاۤ اٰمِنِیْنَ(146)فِیْ جَنّٰتٍ وَّ عُیُوْنٍ(147)وَّ زُرُوْعٍ وَّ نَخْلٍ طَلْعُهَا هَضِیْمٌ(148) || کیا تم یہاں کی نعمتوں میں چین سے چھوڑ دئیے جاؤ گے۔ باغوں اور چشموں ۔ اور کھیتوں اورکھجوروںمیں جن کا شگوفہ نرم نازک۔ ترجمہ: کنزالعرفان کیا تم یہاں (دنیا) کی نعمتوں میں امن و امان کی حالت میں چھوڑ دئیے جاؤ گے؟ باغوں اور چشموں میں ۔ اور کھیتوں اور کھجوروں میں جن کا شگوفہ نرم ونازک ہوتاہے۔ || کیا تم یہاں (دنیا) کی نعمتوں میں امن و امان کی حالت میں چھوڑ دئیے جاؤ گے؟ باغوں اور چشموں میں ۔ اور کھیتوں اور کھجوروں میں جن کا شگوفہ نرم ونازک ہوتاہے۔

سورہ الشعراء آیت 146 تفسیر

{اَتُتْرَكُوْنَ: کیا تم چھوڑ دئیے جاؤ گے۔} اس آیت اور ا س کے بعد والی دو آیات کا خلاصہ یہ ہے کہ حضرت صالح عَلَیْہِ الصَّلٰوۃُ وَالسَّلَام نے مزید نصیحت کرتے ہوئے اپنی قوم سے فرمایا: ’’کیا تمہارا گمان یہ ہے کہ تم دنیاکی نعمتوں جیسے باغوں اور چشموں میں ، کھیتوں اور کھجوروں میں جن کا شگوفہ نرم ونازک ہوتاہے، امن و امان کی حالت میں چھوڑ دئیے جاؤ گے کہ یہ نعمتیں تم سے کبھی زائل نہ ہوں گی،تم پر کبھی عذاب نہ آئے گا اور تمہیں کبھی موت نہ آئے گی۔ (تمہارا یہ گمان غلط ہے اور ایسا کبھی نہیں ہو گا۔) (روح البیان، الشعراء، تحت الآیۃ: ۱۴۶-۱۴۸، ۶ / ۲۹۷-۲۹۸، مدارک، الشعراء، تحت الآیۃ: ۱۴۶-۱۴۸، ص۸۲۷، ملتقطاً)